Bu, bədxahların bizə növbəti təxribatıdır. Onlar Azərbaycanın "Sarı gəlin" kimi gözəl əsərini öz adlarına çıxmaq istəyirdilər.

Bu sözləri müğənni Nadir Qafarzadə "Maral" mahnısının erməni ifaçıları tərəfindən oğurlanması haqda Axar.az-a danışarkən deyib. O, erməni müğənnilər Tiqran Asatryan və Andinin "Maral" mahnısını erməni dilində oxuduğunu və klip çəkdirdiyini bildirib:

"Ermənilərdən bu cür şeyləri gözləmək olardı. Hətta bu mahnının şərh hissəsinə də "Maral" yazıblar. Heç kimə sirr deyil ki, bu mahnı mənim ifamda sevildi və Azərbaycanda izlənmə sayına görə rekord qırdı. Yəni ölkəmizdə heç bir müğənninin mahnısı Yutubda "Maral" qədər dinlənilməyib. Bu, bir ifaçı kimi məni sevindirir. Ermənilərin mənim mahnımı oxumasını isə yaxşı qarşılaya bilməzdim".

Qeyd edək ki, N.Qafarzadə "Maral" mahnısını 2013-cü ildə ifa edib.