Astanada keçirilən beynəlxalq musiqi müsabiqəsinin final mərhələsində maraqlı və gözlənilməz an yaşanıb.

Kult.az Musavat.com-a istinadla xəbər verir ki, Azərbaycanı münsiflər heyətində təmsil edən məşhur müğənni Samirə Əfəndi Ermənistan nümayəndəsi Saro Gevorkyana 12 bal verib.

Müsabiqənin nəticələri elan olunarkən Samirə Əfəndinin erməni iştirakçını səhnədə qucaqlaması isə yarışmanın ən çox müzakirə olunan məqamına çevrilib. Bu jest sosial şəbəkələrdə geniş rezonans yaradıb, müxtəlif fikir və reaksiyalara səbəb olub.

İzləyicilərin bir qismi bu addımı “musiqinin siyasətdən üstünlüyü” kimi dəyərləndirsə də, digərləri bu davranışı tənqid edərək mübahisəli hesab edib. Hadisə qısa müddətdə sosial platformalarda trend mövzulardan birinə çevrilib.

Müsabiqənin təşkilatçıları bildiriblər ki, səsvermənin nəticələri və münsiflərin qərarı tam müstəqildir və yekun bal bölgüsü münsiflərin şəxsi qiymətləndirməsi əsasında verilib.