Müğənni Fərid Quliyev “Şüştər” muğamını ifa edib.

Bu barədə Axar.az-a müğənni özü məlumat verib.

Onun sözlərinə görə, təsnif yenilənmiş formada dinləyicilərə təqdim olunacaq:

“Yeni oxuduğum mahnı “Şüştər” təsnifidir. Sadəcə olaraq bu təsnifi mən başqa sözlərlə oxumuşam. Həmin sözlər də qarabağlı şair Bəbirə aiddir. Bu müxəmməsi dayım, əməkdar artist Razi Şükürov 1983-cu ildə “Segah zabul” muğamında oxuyub. Sonradan dayım bu müxəmməsi şüştər təsnifinə əlavə edib, bir az musiqi əlavələri olub. Ondan sonra ilk insanam ki, “şüştər” təsnifini oxuyuram. Yaxın günlərdə mahnıya klip çəkdirmək fikrimiz də var”.

Təsnifin ilk ifaçısı, əməkdar artist Razi Şükürov da Fəridin ifasını bəyənib.

“Onu deyə bilərəm ki, çoxdan oxunmuş, yaddan çıxmış mahnıları yenidən gündəmə gətirmək, onun orijinalını saxlamaqla, yeni nəsil üçün gözəl ifa etmək çox yaxşı bir addımdır”, - R.Şükürov deyib.