Alim Qasımov martın 19-da məşhur İran müğənnisi Pərvaz Humay ilə Tehranda konsert verəcək.

Axar.az xəbər verir ki, “Cəncale do divane” (İki dəlinin harayı) adlı konsert Azərbaycan və fars dilində olacaq. Konsert İranın ən böyük konsert sarayında baş tutacaq.

Konsertdə ifa ediləcək bütün musiqilər, onların mətnləri hər iki tərəfin ansamblı ilə 2 ilə yaxındır ki, məşq edilir.

İfa ediləcək bütün musiqilər sırf bu konsert üçün nəzərdə tutulub.

Qeyd edək ki, İran mətbuatında Alim Qasımovu “Şərqin bülbülü” adlandırırlar. Bu ləqəb Alim Qasımova Səmərqənddə keçirilən musiqi festivalında birinci yeri tutmasından sonra verilib.