Müğənni Aytac Vidadiqızı bu yayın hitini təqdim edib.

Kult.az xəbər verir ki, söz və musiqisi ifaçının özünə aid olan mahnı "Qədrimi bil" adlanır. Sənətçi yeni mahnısının yay aylarında bütün əyləncə məkanlarının əsas hitlərindən biri olacağına əmin olduğunu deyib:

"Yeni mahnım uğurlu olacaq. Bu bəstəmin ərsəyə gəlməsində çox çalışmışam. Mahnımı ölkənin bütün radiolarında dinləmək mümkün olacaq".

Aytac Vidadiqızı "Qədrimi bil" mahnısına bir neçə həftə sonra klip çəkilişinin başlayacağını da vurğulayıb:

"Bilirsiz ki, bir neçə ildir türkiyəli musiqiçilərlə əməkdaşlıq edirəm. "Qədrimi bil" klipi də Türkiyədə lentə alınacaq. Artıq çəkiliş məkanı olaraq bir neçə yer də seçilib. Bu klipdə geyimlərimə xüsusi diqqət edəcəyəm. Libasımı Türkiyənin məşhur dizaynerlərindən biri hazırlayacaq”.

Qeyd edək ki, Aytac Vidadiqızı türkiyəli iş adamı ilə ailəlidir. Cütlüyün birdə nikahdan Bəstə adlı qız övladı var.

Sözügedən mahnını təqdim edirik: