Bu gün “Teleqraf” Media Qrupunun konfrans zalında gənclərin sevimli ifaçısı Josef Abbasın “Bilinmir” adlı mahnısına çəkdirdiyi klipin təqdimat mərasimi keçirilib.

Kult.az xəbər verir ki, mərasimdə müğənni Əli Faiq Mirzə, repçi Bədklaus və bloger Erkin Ergin iştirak edib.

Klipin çəkilişləri Bakıda, Pirallahı qəsəbəsində baş tutub. İfaçı klipin niyə gec hazır olmasından və çəkiliş zamanı başlarına gələn maraqlı əhvalatdan da danışıb:

“Çəkilişdən qayıtdıqdan sonra mikrofonları itirdik, xeyli ziyana düşdük. Ona görə klipin montajı da gecikdi. Yayda çəkilməsinə baxmayaraq, klip qışda hazır oldu”.

Qeyd edək ki, mahnının söz və musiqisi ifaçının özünə, aranjiman isə Elgün Ataxanlıya məxsusdur. Klipin rejissoru M.Talışinskidir.