Azərbaycanın xalq artisti Akif İslamzadəyə fərdi təqaüd veriləcək.

Kult.az xəbər verir ki, bu barədə Prezident İlham Əliyev Azərbaycan mədəniyyət və incəsənət xadimlərinə Azərbaycan Respublikası Prezidentinin fərdi təqaüdlərinin verilməsi haqqında sərəncamında nəzərdə tutulur.

Qeyd edək ki, Akif Qədir oğlu İslamzadə 1948-ci ildə Bakıda anadan olub. 1979-cu ildə Azərbaycan Xalq Təsərrüfatı İnstitutunu bitirib. İxtisasca istehlakçı mühasibdir. İfaçılığa 1972-ci ildə Rəşid Behbudov adına Mahnı Teatrının vokalisti kimi başlayıb. 1976-cı ildə Azərbaycan Dövlət Teleradio Verilişləri Şirkətində Tofiq Əhmədovun simfonik orkestrində işə başlayıb.

1992-1993-cü illərdə Bakı şəhəri Baş Mədəniyyət İdarəsinin rəisi olub.

O, 2016, 2017 və 2018-ci illərdə "Prezident mükafatı"na layiq görülüb.

A.İslamzadə xalq artisti Sara Qədimovanın oğludur.