Qazaxıstanın paytaxtı Nur-Sultanda “Nur-Sultan Music Awards-2019” üçüncü beynəlxalq musiqi festivalı keçirilib.

Kult.az xəbər verir ki, festivala Azərbaycan, Qazaxıstan, Rusiya, Ukrayna, Fransa, Gürcüstan, İtaliya və Özbəkistanı təmsil edən musiqi sənətinin ən parlaq simaları toplaşıb.

Azərbaycanı bu festivalda təmsil edən gənc müğənni və bəstəkar Çingiz Mustafayev “Avroviziya-2019” mahnı yarışmasında ifa etdiyi “Truth” (Doğru) mahnısını səsləndirib. Həmyerlimiz “Nur-Sultan Music Awards-2019” festivalının mükafatına layiq görülüb.

İştirakçı ölkələrin estrada ulduzları səhnədə populyar hit mahnıları ilə tamaşaçıları sevindiriblər.