Macarıstan hökuməti bu il "Sziget" musiqi festivalının keçirilməyəcəyini elan edib.

Kult.az Azərtac-a istinadən xəbər verir ki, bu, ölkədə irimiqyaslı tədbirlərin keçirilməsinə qadağanın müddətinin avqustun 15-dək uzadılması ilə bağlı qərarın bir hissəsi olub.

Pərəstişkarlarına səbirli olmaq çağırışı ilə müraciət ediən festival təşkilatçıları vəd ediblər ki, təfərrüatlar məlum olan kimi hamısını onlarla bölüşəcəklər. Onlar bildiriblər ki, tədbirin ləğv edilməsi haqqında qərar festivalın qonaqlarının, iştirakçılarının və işçilərinin təhlükəsizliyi baxımından qəbul edilib.

Qeyd edək ki, yaranmış vəziyyətin tarixi presedenti olmayıb. "Sziget" festivalı son 28 ildə hər il keçirilib və bu müddət ərzində Avropanın ən iri festivallarından birinə çevrilib.