Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
25 Sentyabr 2020


Belçika şirkəti Fikrət Əmirovla bağlı səhvinə görə üzr istədi

Ana səhifə Kult Musiqi
12 Punto 14 Punto 16 Punto 18 Punto

Görkəmli Azərbaycan bəstəkarı Fikrət Əmirovun "Kor ərəbin mahnısı” əsərinin musiqisi Belçikada yaşayan Vardan Hovanissian və Emre Gültekin tərəfindən mənimsənilərək "Houcher” adı altında "Karin” musiqi albomuna daxil edilib və bir sıra platformalarda yayımlanıb.

Əqli Mülkiyyət Agentliyindən Kult.az-a verilən məlumata görə, bununla əlaqədar, agentlik və Fikrət Əmirovun vərəsələri tərəfindən müəlliflik hüquqlarının pozulmasının qarşısının alınması ilə əlaqədar musiqi albomunun istehsalçısı olan Belçikanın "Muziekpublique” şirkətinə qarşı müvafiq tələblər irəli sürülüb.

Agentliyə daxil olan yeni məktubda "Muziekpublique” şirkətinin direktoru Peter Van Rompaey və şirkətin koordinatoru Kenza Ismaili şirkət adından edilən səhvin səbəb olduğu bütün ziyanlara görə üzr istəyiblər. Onlar bu musiqinin ənənəvi (folklor nümunəsi) musiqi olmadığını bilmədiklərini, əks halda onun albomda istifadəsinə görə icazə istəməli olduqlarını etiraf edərək bu vəziyyətdən çox üzgün olduqlarını qeyd ediblər.

Şirkət Fikrət Əmirovun vərəsələrinin məyusluğunu tamamilə başa düşürək edillən səhvləri düzəltməyə hazır olduğunu da bildirib.

Bundan əlavə, məktubda "Karin” albomunun yenidən hazırlanması zamanı "Houcher” mahnısının mütləq siyahıdan çıxarılacağı, o cümlədən adıçəkilən musiqinin Vardan Hovanissian və Emre Gültəkinə aid olmadığı, "Kor ərəbin mahnısı” orijinal adı ilə Fikrət Əmirov tərəfindən bəstələndiyi və Şirkətin bununla bağlı səhv etdiklərini ictimaiyyətə çatdırmaq üçün kommunike buraxılacağı, eləcə də Şirkətin "Houcher” mahnısının bütün platformalardan silməyə hazır olduğu vurğulanıb.

Plagiatçılıqla məşğul olanlara qarşı qanunvericiliklə müəyyən edilmiş tələblərin yerinə yetirilməsi Əqli Mülkiyyət Agentliyinin və Fikrət Əmirovun vərəsələrinin ciddi nəzarətindədir. Məsələnin gedişatı ilə bağlı ictimaiyyətə əlavə məlumat veriləcək.

Tarix
2020.09.08 / 22:41
Müəllif
Kult.az
Şərhlər
Digər xəbərlər

Hacıbəyovun doğum günü: BMTM-də açıq qapı günü - Foto

Mehriban Əliyevadan Milli Musiqi Günü ilə bağlı paylaşım

Azərbaycanın Avroviziya-2021-də iştirakı təsdiqləndi

Dünyaca məşhur müğənni öldü

Tanınmış politoloqun oğlu Avropada tarix yazdı - Video

Gürcü qrupundan Bakıya sevgi mesajı - Video

Leyla Əliyevanın oğlunun ilk klipi - Video

Ermənilər “Kor ərəbin mahnısı”nı da oğurladı - Video

Malazgirt zəfəri ilə bağlı videoçarx hazırlandı - Video

Kazımova da şəhid generalımıza mahnı həsr etdi - Video

KULT
<>
Xəbər xətti
 
yatsan
Axar.az'da reklam Bağla
Reklam
Bize yazin Bağla