"Avroviziya" mahnı müsabiqəsinin təşkilatçısı olan Avropa Yayım Birliyi 2021-ci ilin mayında Belarusu təmsil etməli olan "Qalası 3Mesta" qrupunun mahnısına görə ölkəni müsabiqədən kənarlaşdırıb.

Kult.az xəbər verir ki, bu barədə məlumat "Avroviziya"nın saytında yer alıb.

Qeyd edək ki, martın 11-də müsabiqənin təşkilatçıları Belarusa təmsil edildiyi mahnıya düzəlişlər etməyi və ya başqa kompozisiya ilə qatılmağı təklif ediblər. Bunun səbəbi kimi "Qalası 3Mesta"nın mahnısında siyasi mesajların olduğu göstərilib.

"Belteleradiokompaniya" isə heç bir düzəliş etmədən müsabiqəyə yenidən ərizə yollayıb, lakin təşkilatçılar yeni ərizənin də müsabiqə qaydalarını pozduğu qərarına gəliblər.