Avroviziya-2021 mahnı müsabiqəsində 524 xalla qalib seçilən “Maneskin” rok qrupu yarışmada oğurluq mahnı ifa etməklə ittiham olunur.

Kult.az xəbər verir ki, qrupun ifa etdiyi “Zitti e Buoni” mahnısının 2015-ci ildə çıxan “FDT” adlı mahnıya bənzədiyi deyilir.

Nebra adlı başqa bir italyan qrup isə sözügedən mahnının onlara məxsus başqa bir mahnı ilə eyni gitara riffinə sahib olduğunu bildirib.

Qeyd edək ki, qrupun solisti David Damiano bir müddət əvvəl müsabiqədə narkotikdən istifadə etməklə ittiham olunsa da, onun narkotik testinin nəticəsi mənfi olub.