2022.05.14. 23:12

İtaliyanın Turin şəhərinin ev sahibliyi etdiyi 66-cı “Avroviziya” mahnı müsabiqəsinin finalı başlayıb.

Kult.az xəbər verir ki, İtaliyanın ən böyük qapalı arenalarından olan “PalaOlimpico”da təşkil olunan müsabiqənin finalında 25 ölkənin təmsilçiləri yarışır.

Azərbaycanı bu müsabiqədə Nadir Rüstəmli “Fade To Black” adlı mahnı ilə təmsil edir.

Nadir Rüstəmli müsabiqənin mayın 13-də keçirilən ikinci yarımfinalında səsvermədən sonra ilk onluğa daxil olaraq finalda mübarizə aparmağa haqq qazanıb.

Bundan başqa, Belçika, Çexiya, Finlandiya, Estoniya, Avstraliya, Polşa, İsveç, Rumıniya və Serbiya finala vəsiqə qazanıblar.

Xatırladaq ki, mayın 10-da keçirilən birinci yarımfinalda səsvermədə daha çox səs toplamış 10 ölkə - İsveçrə, Ermənistan, İslandiya, Litva, Portuqaliya, Norveç, Yunanıstan, Ukrayna, Moldova, Niderland final mərhələsinə yüksəlib.

***

Azərbaycan təmsilçisi çıxış etdi.

***

Artıq Avroviziya-2022-də səsvermə mərhələsi başlayıb.

***

Hazırkı nəticələrə görə, Böyük Britaniya ilk yerdədir. İkinci və üçüncü yerləri isə İspaniya və İsveçrə bölüşür.

***

Hazırda xalq səsverməsinin nəticələri açıqlanır.

***

Azərbaycan təmsilçisi Nadir Rüstəmli xalq səsverməsində cəmi 3 xal toplaya bildi. Münsiflər heyətindən 103 xal alan ölkəmiz 106 xalla qalib olma şansını əldən verdi.

***

Xalq səsverməsinin nəticələri əlavə olunduqdan sonra 631 xalla Ukrayna qalib gəldi.