Oğurluq çox pis şeydir, ən pisi isə əmək oğurluğudur.

Bu sözləri tanınmış bəstəkar Nailə Mirməmmədli bəstələrinin müəllif hüquqlarına riayət edilmədən oxunması ilə bağlı Axar.az-a danışarkən deyib:

"Bəstələrimizi oğurlayırlar, özəlləşdirirlər. Mənim yazdığım, Rövşən İsaqın rejissorluğu ilə çəkilən "Pərvanələrin rəqsi" serialının musiqisini oğurlayıblar. Ellay adlı müğənni də, Səfər adlı bəstəkar da o musiqini götürüb.

Ümumiyyətlə, biz yaradıcı insanlar belə hallarla tez-tez qarşılaşırıq. Mən artıq uzun müddətdir ki, Azərbaycan Respublikası Müəllif Hüquqları Agentliyinə müraciət edirəm. Orada çox gözəl, peşəkar komanda çalışır. Bütün bəstəkarlara və yazarlara ora müraciət etməyi tövsiyə edirəm. Əsərin orada təsdiq olunmağı çox vacibdir, əks halda məhkəməyə şikayət edəndə anlaşılmazlıq yaranır".