Türkmənistan Prezidenti Qurbanqulu Berdiməhəmmədovun adına bəstələnən ilahi (müqəddəs insanları və ya varlıqları tərifləmək üçün bəstələnən dini mahnı – red.) Ginness Rekordlar Kitabına düşüb.

Axar.az xəbər verir ki, Türkmənistanda 4 min 166 nəfər Dövlət başçısı Qurbanqulu Berdiməhəmmədovun yazdığı "İrəli, həmişə irəli, sevgili ölkəm Türkmənistan" adlı ilahini söyləyib.

Sözügedən ilahi Ginnesin Rekordlar Kitabına düşüb.

Məlumata görə, şounun təşkili zamanı Q.Berdiməhəmmədovun da ilahini söylədiyi deyilir.

Qeyd edək ki, eyni anda oxuma rekordu Quqla aid idi. Şirkətin 3 min 798 nəfər işçisi İrlandiyanın paytaxtı Dublində Farell Villiamsın "Happy" adlı mahnısını söyləmişdi.