Xalq artisti Aygün Kazımova mükafata layiq görülüb.

Axar.az xəbər verir ki, Aygün Kazımova Azərbaycan Güləş Federasiyasının fəxri diplomuna layiq görülüb.

Mükafatı təqdim edən AGF-nin baş katibi Əjdər Həmidov xalq artistinin Naxçıvanda keçirilən Heydər Əliyev adına beynəlxalq turnirdə iştirakını xüsusi vurğulayıb.

Fəxri diploma layiq görülən xalq artisti Axar.az-a açıqlama verərək bu diplomun onun üçün çox dəyərli olduğunu bildirib:

"Heç vaxt nəyinsə naminə iş görməmişəm. Mən son nəfəsimə qədər Azərbaycan bayrağı altında çıxış edən bütün idmançılarımıza dəstəyəm. Naxçıvanda keçiriləcək Heydər Əliyev adına kubok uğrunda yarışın olacağını eşidəndə Türkiyə layihəmi təxirə saldım. Özüm idmançı olmuşam. Milli həndbol yığmamızım kapitanı idim. İdman mənim həyatımın ayrılmaz hissəsidir. Bütün layihələrimi təxirə salmağa hazıram. Təki idmançılarımıza dəstək olum".