Ufanın “Ay Yola” qrupu “Humay” mahnısı ilə “Əpl Musik”in Ukrayna reytinqində birinci yerə yüksəlib.

Kult.az xəbər verir ki, məlumatı Rusiya Teleqram kanalları yayıb.

Mahnı başqırd dilində ifa olunur. Mahnıda başqırd eposunun personajı - gözəl qıza çevrilə bilən sehrli quşdan bəhs edilir.

Mahnının sözlərində Humayın mənşəyi və xüsusiyyətləri vurğulanır: Humayın anası Günəşdir və onu canlı suyu olan bulaqda çimizdirib, atası Samrau isə ona xeyirxahlığı öyrədib.

Qeyd edək ki, sözügedən mahnı Tiktok və İnstaqramda sürətlə populyarlaşıb. Hazırda “Humay” “Şazam”ın dünya çartında 5-ci yeri tutur və məşhur müğənni Ledi Qaqanı geridə qoyub.