Moskva İsrailin Dohaya zərbə endirməsini pisləyir və bunu Yaxın Şərqdə gərginləşməni qızışdıran addım hesab edir.

Axar.az xəbər verir ki, bu barədə Rusiya Xarici İşlər Nazirliyi məlumat yayıb.

“Rusiya hadisəni beynəlxalq hüququn və BMT Nizamnaməsinin kobud şəkildə pozulması, müstəqil dövlətin suverenliyinə və ərazi bütövlüyünə qəsd, Yaxın Şərqdə vəziyyətin daha da gərginləşməsinə və sabitliyinin pozulmasına aparan addım kimi qiymətləndirir. İsrailin özünün düşməni və əleyhdarları hesab etdiyi şəxslərə qarşı bu cür mübarizə üsulları ən sərt qınağa layiqdir”, - məlumatda deyilib.

Qeyd edək ki, İsrail sentyabrın 9-da Dohanın yaşayış massivindəki binalara hücum edib, hədəf isə orda olan HƏMAS rəhbərliyinin yüksək rütbəli üzvləri olub.