Biz rəsmi kanallar - həm kəşfiyyat xidmətləri, həm də Xarici İşlər Nazirliyi - vasitəsilə Kiyevə zərbələrin dayandırılması ilə bağlı müraciətlər aldıq. Mən müvafiq əmri verdim və bu gün gecə yarısından etibarən Kiyevə zərbələr dayandırılıb.

Axar.az xəbər verir ki, bunu Rusiya Prezidenti Vladimir Putin Ağ Evin xüsusi elçiləri Stiv Uitkov və Cared Kuşnerlə Kremldə keçirdiyi görüşdə deyib.

O qeyd edib ki, Rusiya tərəfi Ukrayna ilə daha geniş atəşkəs barədə razılığa gəlməyib:

“Amma danışıqlar prosesinin və sizin və vasitəçilərin təhlükəsizliyini təmin etmək üçün əlimizdən gələni edəcəyik".

Xatırladaq ki, bundan öncə Kremlin mətbuat katibi Dmitri Peskov Putinin göstərişi ilə Ukraynaya 3 gün ərzində zərbə endirilməyəcəyini elan etmişdi.