Türkiyə Prezidenti Rəcəb Tayyib Ərdoğanın Cümhuriyyət Bayramı ziyafətinə türk sənət aləminin bir çox nümayəndələri qatılıb.

Axar.az xəbər verir ki, bir çox tanınmışların yer aldığı qəbul zamanı Ərdoğan müğənni Alişandan nə vaxt evlənəcəyini soruşub. Alişan isə prezidentə "6 ay içində evlənəcəyəm" cavabını verib.

29 oktyabr qəbulunda Ərdoğan ilə görüşən Alişan həmin anı əks etdirən fotonu İnstaqram hesabında paylaşaraq, altından "Prezidentimizə söz verdim, söz ağızdan çıxdı" yazıb.

Daha sonra isə eyni fotonu türk televiziya aparıcısı Ece Erkən də paylaşıb. Bu paylaşım zamanı isə fotodakı detal üzə çıxıb. Məlum olub ki, Alişan fotodan Ece Erkənin görüntüsünü kəsərək paylaşıb. Aparıcı öz hesabından paylaşdığı eyni fotonun üzərinə isə "Alişan fotoda olmasa təəccüblənərdim" şərhini verib.