Cənab Putin Türkiyə ilə strateji müttəfiq olmaq üçün dostluq əlini uzadır.

Axar.az xəbər verir ki, bunu Türkiyədə səfərdə olan rusiyalı politoloq Aleksandr Duqin jurnalistlərə açıqlamasında deyib.

"Hər kəs bilir ki, Rusiya Türkiyə ilə strateji müttəfiq olmaq istəyir. Strateji müttəfiqliyin anlamı nədir? Bunu ekspertlər və intellektual şəxslər araşdırmalıdır", - Duqin bildirib.

Rusiyalı politoloq "Türkiyə NATO üzvüdür. Bu müttəfiqlik Ankaranın mövqeyinə zidd deyil ki?" sualına isə belə cavab verib:

"O sizin düşüncənizdir. Siz müstəqil dövlətsiniz. Kimin düşmən, yaxud dost olduğuna siz qərar verməlisiniz. Türkiyə parlamentini bombalayan insanların arxasında kimlərin durduğunu bilirik. Bu, qətiyyən Rusiya deyil".