Cənubi Koreyanın üç müxalif partiyası Prezident Pak Kın Henin impiçmentinə dair qətnaməni parlamentə təqdim edib.

Axar.az xəbər verir ki, qətnaməni ümumilikdə 171 deputat dəstəkləyib.

Bundan əvvəl Cənubi Koreyanın müxalifət partiyaları prezidentin impiçmenti üzrə səsvermənin dekabrın 9-da keçirilməsini təklif ediblər.

Qeyd edək ki, Cənubi Koreyada siyasi böhran Prezident Pak Kın He və onun rəfiqəsi Çoi Sun-sil ətrafında baş verən qalmaqalla əlaqədardır. Çoi Sun-sil prezidentlə olan yaxın münasibətləri sayəsində dövlət işlərinə müdaxilədə şübhəli bilinir. Bununla əlaqədar Cənubi Koreyada kütləvi etirazlar keçirilir və dövlət başçısının istefası tələb olunur.

Prezident Pak Kın Henin səlahiyyət müddəti 2018-ci ildə bitir.