İran Prezidenti Həsən Ruhani amerikalı həmkarı Barak Obamanın sanksiyaların daha 10 il uzadılması barədə qanunu imzalayacağı halda cavab tədbirləri həyata keçiriləcəyini bəyan edib.

Axar.az “Tasnim” agentliyinə istinadən xəbər verir ki, Ruhani Vaşinqtonun qəbul edəcəyi qərarın anlaşmaya zidd olduğunu deyib:

“Biz razılaşmaya riayət etməyə çalışırıq. Lakin bu razılaşma pozulacağı təqdirdə biz təcili cavab addımları atacağıq”.

Xatırladaq ki, İrana tətbiq olunan sanksiyaların daha 10 il uzadılması barədə qərar Nümayəndələr Palatası və Senatda səs çoxluğu ilə qəbul edilib. Qanunun qüvvəyə minməsi üçün Prezident Barak Obamanın təsdiqi lazımdır.