Suriya və Əfqanıstandan qaçan İŞİD terrorçuları Əfqanıstana yerləşdirilir.

Axar.az xəbər verir ki, bu sözləri Rusiya prezidentinin Əfqanıstan üzrə xüsusi nümayəndəsi Zamir Kabulov deyib.

“Təxminlərimizə görə, terrorçuların sayı 10 mini keçib. Suriya və İraqdan yeni terrorçuların gəlişi ilə bu say artmaqda davam edir”, - Kabulov deyib.

Qeyd edək ki, İŞİD-in Əfqanıstan və Pakistan kimi ölkələrdə möhkəmlənməsi terror qruplaşmasının yeni planlarından xəbər verib. Belə ki, İŞİD-in yeni planında əsas hədəf kimi dünyanın ən böyük nəqliyyat və ticarət layihəsi olaraq göstərilən “Tək qurşaq–tək yol” layihəsinin seçildiyi bildirilib.