İranın ali dini lideri Əli Xamneyi Fələstin xalqını İranla birgə hərbi əməliyyatları davam etdirməyə və əməliyyat zonasını genişləndirməyə çağırıb.

Axar.az xəbər verir ki, Xamneyi İRNA agentliyinə verdiyi açıqlamasında belə deyib.

"Bu sərt rejimlə mübarizə aparmağın yeganə yolu müqaviməti və döyüşü davam etdirmək və hərbi əməliyyatlar zonasını İordan çayının qərb sahilinə qədər genişləndirməkdir", - deyə ali dini lider bildirib.

Qeyd edək ki, İran rəhbərliyi bir müddət əvvəl də müsəlman ictimaiyyətini İsrailin hücumlarından əziyyət çəkən Qəzza sakinlərinə yardımla bağlı aktiv mövqe nümayiş etdirməyə çağırmışdı.