Heç bir etiraz İtaliyada Transadriatik boru kəmərinin tikintisini dayandıra bilməz.

Axar.az xəbər verir ki, bunu “Haqqin.az” saytına müsahibəsində İtaliya Senatının vitse-spikeri Linda Lantsillotta deyib.

“İtaliya Cənub Qaz Dəhlizinin reallaşmasında maraqlıdır. İtaliya hökuməti TAP-la bağlı çətinliklərin aradan qaldırılması üçün lazımi addımlar atır. Əminəm ki, tezliklə, bütün maneələr ortadan qalxacaq”, – deyə o bildirib.

Qeyd edək ki, Beş Ulduz Hərəkatı Partiyası TAP-ın tikintisinə qarşı “No TAP” komitəsi yaradıb. ABŞ hökuməti bu təşkilatın Rusiya tərəfindən maliyyələşdirildiyi haqqında İtaliya hökumətinə xəbərdarlıq edib.