Almaniya Hərbi Hava Qüvvələrinə məxsus hərbi təyyarənin Türkiyənin İncirlik hərbi bazasına enişinə icazə verilməyib.

Axar.az xəbər verir ki, dinləmə qalmaqalı səbəbindən rəsmi Ankaranın Almaniyaya qarşı atdığı bu addım Avropada böyük rezonans doğurub.

Alman mediasının yaydığı xəbərə görə, Şimali İraqa 20 ton humanitar yardım aparan Transall tipli hərbi təyyarə İncirlik bazasına eniş üçün icazə istəyib. Lakin icazə verilmədiyinə görə, təyyarə geri qayıtmağa məcbur olub.

Xatırladaq ki, Almaniya Xarici kəşfiyyat xidməti BND-nin 2009-ci ildən bəri NATO müttəfiqi olan Türkiyəni dinlədiyi ilə bağlı yayılan iddialar səbəbindən Türkiyə bu addımı atıb.