ABŞ-ın F-35 həmləsinə cavab vermək üçün Türkiyənin əlində daha çox imkanı var. Bu imkanlardan biri də rəsmi Ankaranın Rusiya ilə əməkdaşlığı artıracaq addımlar atmasıdır.

Axar.az xəbər verir ki, Türkiyənin “Yeni Akit” nəşri ABŞ-ın mümkün F-35 sanksiyasına qarşı Türkiyənin əlində olan cavab həmlələri barədə yazıb.

“ABŞ hüquqsuz görünən bu mövqeyində təkid edəcəyi halda Türkiyə F-35-lərin alternativi sayıla biləcək Rusiya istehsalı Su-57 təyyarələrinə yönələ bilər. Rusiyanın istehsal mərhələsində olduğu Su-57 təyyarələrinin istehsal xərcləri F-35-lərin xərclərinin təxminən yarısına bərabərdir. Su-57-lərin istehsalının gecikəcəyi halda isə ilkin mərhələdə Su-35, ardınca isə Su-57-lərin alınması məsələsi gündəmdə ola bilər”, - nəşr yazıb.

Xatırladaq ki, ABŞ-da Türkiyəyə F-35 qırıcılarının satışının qeyri-müəyyən müddətə təxirə salınması məsələsi geniş müzakirə mövzusuna çevrilib.