İraq Baş naziri Heydər Abadinin Ankara ziyarətində başda İŞİD, PKK olmaqla terror qruplaşmalarına qarşı əməkdaşlıq və iqtisadi sahədə atılacaq addımlarla yanaşı, Ovaköy sərhəd-keçid məntəqəsinin açılması məsələsi də müzakirə edilib.

Axar.az xəbər verir ki, İraq Türkman cəbhəsinin Türkiyə nümayəndəsi Hicran Kazancı liderlərin görüşündə müzakirə olunan Ovaköy layihəsinin tez bir zamanda həyata keçirilməsini istədiklərini bildirib.

Ovaköy-Bağdad xəttinin açılmasının yüzilliyin fürsəti olduğunu söyləyən Kazancı layihənin həyata həyata keçirilməsinin zəruri olduğunu və düşmən ölkələrin layihəyə mane olmaq üçün müəyyən addımlar ata biləcəklərini bildirib.

“Ovaköy-Təlafər-Mosul-Bağdad ticarət yolunun açılması istiqamətində atılan addımlar İraq və Türkiyə üçün həyati önəm daşıyır. ABŞ-ın bu xətlə bağlı fərqli planları var. Şimalda 5 ayrı hava limanı və hərbi baza qurmaq hədəfləri var. Süleymaniyyə-Köysancak, Ərbil, Duhok və Kərkükün Altınkörpü bölgələri ilə birlikdə Təlafər-Mosul xəttində də 2 hərbi baza inşa edəcəklər. Bu bazalar həmçinin hava limanı olaraq fəaliyyət göstərəcək. Əsas məqsəd Bərzani və Talabanini “Baypas” edən, Sincar xəttində terror kolidoru layihəsini çətin salacaq Ovaköy-Bağdad xəttinə əngəl yaradılmasıdır. Bu barədə bütün tərəflər diqqətli olmalıdır”, - Kazancı vurğulayıb.

Kazancı yeni qurulacaq xəttin Türkiyə ilə islam dünyası arasında körpü rolu oynayacağını bildirib.