Tanınmış amerikalı milyarder Donald Tramp özünün Tvitter səhifəsində ABŞ Prezidenti Barak Obamanın ünvanın ağır ifadələr işlədib.

Axar.az RİA Novosti-yə istinadən xəbər verir ki, milyarder Obamanı Ebola virusunun yayıldığı ərazilərdən gələnlərin ölkəyə buraxılmasına icazə verdiyinə görə dəli adlandırıb.

"Mən fikirləşirəm ki, prezident psixi cəhətdən sağlam deyil. Niyə o buna qadağa qoymadı? Ağılsız!", - milyarder deyib.

Bununla kifayətlənməyən Tramp "Stiv Maltsberqin şousu" adlı verilişdə də Obamanı tənqid edib:

"O, ya səriştəsizdi, ya da psixi xəstədi. Mənim idarəçilik təcrübəm insanların fikirlərinə qulaq asmağa imkan verir, amma mən bu hadisə ilə bağlı prezidenti başa düşə bilmirəm".