"Məhz Krım tatarları inqilabın hərəkətverici qüvvəsi olacaq".

Axar.az xəbər verir ki, bunu "Sağ sektor" hərəkatının lideri Dmitri Yaroş söyləyib.

O, Krımın gec-tez yenidən Ukraynanın bir hissəsi olacağını bildirib:

"Krımın işğalından sonra Putin böyük bir səhvə yol verib. O, Krım tatarlarının fikrini nəzərə almayıb. Məhz onlar inqilabın hərəkətverici qüvvəsi olacaq. Krım Ukraynaya geri dönəcək. Mən demirəm ki, bu hadisə sabah və ya o biri gün olacaq, lakin yarımada yenidən Ukraynanın hissəsi olacaq. Hazırda Rusiyanın daxili vəziyyəti çox kritikdir. Faktiki olaraq, müsəlmanlar Moskvanın köklü sakinləri olub. Sibir Çinin əlindədir. Qafqazı isə 20 ildir ki sakitləşdirə bilmirlər. Lakin Krımda kiçik bir həyəcan sonun başlanğıcı ola bilər".