İngiltərə hərbi analitikləri İŞİD-in Kobanidə hava zərbələri ilə yanaşı kürd qüvvələrilə də mübarizə aparmasını ən böyük strateji səhv kimi dəyərləndiriblər.

Axar.az xəbər verir ki, ingilis hərbi ekspert Castin Bronk Kobani döyüşünün İŞİD-in axırına çıxacağını bildirib:

"İŞİD Kobanidə 4 həftədir koalisiya qüvvələri tərəfindən bombalanır. Buna görə də, içərilərə, şəhərin mərkəzinə tərəf girməyə çalışırlar və bu bölgələrdə də kürd qüvvələri ilə küçə döyüşləri aparırlar. Küncə sıxldıqları bir həqiqətdir. Çünki Kobani Türkiyə sərhədinin cənubuna yaxın nöqtədədir. Buna görə də, qəsəbələrin içinə çəkilərək vuruşurlar. Məncə Kobaniyə hücum etmək İŞİD üçün böyük strateji səhv idi".