"Türkiyə NATO-nun, İƏİT-in və bir çox təşkilatların üzvüdür. Bəs niyə Avropa Birliyinə üzv qəbul etmirlər?"

Axar.az xəbər verir ki, bu açıqlama ilə Cibutidə səfərdə olan Türkiyə Prezidenti Rəcəb Tayyib Ərdoğan çıxış edib. O, İslam dünyası üzərindən çox ciddi oyunlar oynandığını bildirib:

"Biz Avropanı sınağa çəkirik. Görəsən, Avropa müsəlman Türkiyəni öz sıralarına üzv qəbul edəcəkmi? Türkiyə NATO-nun, İƏİT-in və bir çox təşkilatların üzvüdür. Bəs niyə Avropa Birliyinə üzv qəbul etmirlər? Deməli, başqa problem var. Əgər Türkiyəni qapınıza gəlib dilənən ölkə kimi görürsünüzsə, yanılırsınız. Türkiyə bunu etməyəcək. Türkiyə öz ayaqları üzərində duran ölkədir".