Son sutka ərzində Ukrayna ordusunun mövqeləri 21 dəfə atəşə tutulub. Cavab atəşi nəticəsində separatçılar 200 nəfərə yaxın itki verib.

Axar.az xəbər verir ki, bu barədə Ukrayna Anti-Terror Əməliyyatı Mərkəzinin sözçüsü Anatoli Stelmax məlumat verib.

Onun sözlərinə görə, separatçılar minaatan və artilleriyadan istifadə ediblər:

"Ukrayna ordusunun cavab atəşi quldurları atəşi dayandırmağa məcbur edib. Düşmən əsasən Debaltsevo istiqamətində fəallaşıb. Gecə Çernuxino və Miusa istiqamətində terrorçular iki dəfə hücuma keçməyə cəhd etdilər. Sutka ərzində düşmənin itkisi 200-ə yaxın olub. Separatçıların 7 hərbi texnikası da məhv edilib".