İran və ABŞ arasında baş verən son olaylar Tehranla Ər-Riyadı bir-birinə yaxınlaşdıra bilər.

Axar.az xəbər verir ki, bu sözləri “Əl-Cəzirə”nin eksperti, Bağdad Universitetnin əməkdaşı Likaa Meki deyib.

“İraqda ABŞ hərbi bazalarına aviazərbələr endiriləndə Səudiyyə Ərəbistanı və Birləşmiş Ərəb Əmirlikləri (BƏƏ) ehtiyat edirdilər ki, İran onları da bombalayacaq. ABŞ-ın İranla mübarizə aparması, Vaşinqtonun Ər-Riyadın təhlükəsizliyə önəm verməməsi, amerikalıların öz gündəminə görə hərəkət etməsi Səudiyyə Ərəbistanını düşünməyə məcbur etdi. Bütün bunlar ABŞ-ın təhlükəsizlik məsələsində Səudiyyənin ikinci dərəcəli olduğunu hiss etdirdi. Belə olan halda ABŞ və İran arasında mümkün qarşıdurma nəticəsində Səudiyyə hədəfə çevrilə bilər. Bu isə Ər-Riyadı Tehranla yaxınlaşmağa sövq edir”, - deyə ekspert bildirib.