ABŞ hərbi qüvvələrinin İraqda dislokasiyası hücumla əlaqədar ola bilər.

Axar.az xəbər verir ki, bu sözləri iranlı ekspert Fuad İzadi deyib.

O bildirib ki, amerikalı hərbçilərin yerdəyişməsi ilə bağlı Vaşinqtondan verilən rəsmi açıqlamalar psixoloji effekt yaratmağa hesablanıb və İraqda qruplaşmalara mümkün zərbələr İraq ordusuna hücum sayılacaq:

“Qərbdə İŞİD-ə qarşı vuruşan müxtəlif qruplaşmalar İranla əlaqəlidir. Yəni İŞİD-lə mübarizədə İran yalnız İraqa yardım edib. Həmin qruplaşmalar İraq ordusunun nəzarətindədir. Əgər ABŞ İraq ordusunun rəhbərliyi altında olan qruplara hücum etsə, bu, İraq ordusuna hücum sayılacaq”.

Qeyd edək ki, artıq ABŞ hərbçiləri İraqda bir neçə hərbi bazanı tərk edib. Bəzi ekspertlər bunu şiə qruplarına mümkün hücumla əlaqələndirir.