Yaşlı elektrik məhkəmənin onu oğurluqda ittiham etməsindən sonra Pablo Pikassonun 200-dən çox tablosunu geri qaytaracağı ilə bağlı söz verib.

Axar.az "Qardian"a istinadən xəbər verir ki, 75 yaşlı Pyer Le Ginnes və onun xanımı Daniel Pikasso tablolarını Fransadakı evlərində gizlətdiklərinə görə beş il şərti həbs ilə cəzalandırılıb. Pyer Le Ginnesin sözlərinə görə, Pikasso 1973-cü ildə ölümündən öncə sözügedən tabloları ona verib. Nəticədə 40 ildir ki, Pikassonun əsərləri fransız cütlük tərəfindən ictimaiyyətdən gizli, evin bir küncündə saxlanılıb.

Qeyd edək ki, əsərlər Pikasso Adminstrasiyasına təhvil veriləcək.