Ukrayna Prezidenti Pyotr Poroşenko ölkənin şərqində yeni müharibə dalğası barədə anons verib.

Axar.az xəbər verir ki, prezident seçilməsinin bir illiyi münasibəti ilə dövlət televiziyasında danışan ölkə rəhbəri separatçı ordu birliklərinin hücum edəcəyi təqdirdə ölkədə müharibə vəziyyəti elan edəcəyini deyib:

"Əgər atəşkəs pozularsa, cəbhə xətti keçilərsə, Ukrayna silahlı qüvvələrinə hücum başlayarsa, həmin dəqiqə ölkədə müharibə vəziyyəti elan edəcəyəm".

2014-cü ilin avqustundan ölkədə vəziyyətin tamamilə dəyişdiyini deyən Poroşenko Qafqazdan müharibə təcrübəsi olan minlərlə Rusiya əsgərinin Ukrayna torpaqlarına girdiyini bildirib.