Türkiyənin Baş Polis İdarəsi bütün bölmələri iki həftə əvvəl PKK hücumları ilə bağlı xəbərdar edib.

Axar.az xəbər verir ki, bütün polis bölmələrinə 11 və 13 iyul tarixində göndərilən məlumatda "Öcalana azadlıq" tələbi ilə aksiyaların keçiriləcəyi bildirilib.

Məlumatda Öcalan üçün Silopi, Cizrə Yüksəkovada aksiyaların keçiriləcəyi, təbliğat işlərinin aparılması üçün kənd cavanlarından aktiv şəkildə istifadə ediləcəyi vurğulanıb.

13 iyul tarixində göndərilən məlumatda isə qeyd edilib:

"Harada bir həbs olarsa, xalqımız ayağa qalxmalı, bu həbslərə mane olmalıdır. Meydanlara axışmalı, həbslərə yol verilməməlidir".

Dağlarda məskunlaşan PKK-çıların şəhərlərə axın edəcəyi, yolları bağlayacağı, həmçinin TIR-ları yandıracağı barədə də polisə xəbərdarlıq edilib.