Ana səhifə Planet |
Tehran bölgədə gücünü möhkəmləndirmək üçün İŞİD-dən istifadə edir.
Axar.az xəbər verir ki, İranın Yaxın Şərqdə rolu ilə bağlı Türkiyə mediasında geniş məqalə dərc edilib.
Məqalədə qeyd edilir ki, İŞİD Yaxın Şərqdə hərbi əməliyyatlara başlamamışdan öncə İran İraqda öz mövqeyini gücləndirməkdə çətinlik çəkirdi. İŞİD bölgəyə ayaq basandan Tehran bu bölgələrdə mövqeyini dərhal möhkəmləndirməyə başladı. İran daxilində elə bir durum yaranıb ki, Tehrandan Paris teraktına ziddiyətli reaksiyalar verilir. Belə ki, İran Prezidenti Həsən Ruhani Fransa Prezidenti Fransua Ollanda başsağlığı veribsə, mühafizəkar cəbhənin reaksiyası tamamilə fərqli olub.
İranın Ali dini lideri Ayətullah Xameneiyə yaxınlığı ilə seçilən
"Keyhan" qəzetində isə belə bir başlıqda məqalə yer almışdı:
"İŞİD-in quduz iti sahibinin ayağını dişlədi".
İran mühafizəkarları Yaxın Şərqdə baş verən böhrana dair
fikirlərini sübut etmək üçün Paris hücumlarından istifadə edirlər.
Belə ki, İran mühafizəkarları İŞİD-in Əsədi devirmək üçün Qərb
dövlətləri tərəfindən yaradıldığını israrla qeyd edirlər.
Bütün bu ritorikalar İran liderlərinin Suriya, İraq, Yəmən və
Livanda apardığı siyasəti yumşaltmayacağını göstərir. Bu səbəbdən
də Vyanada Suriya danışıqları səmərəli olmayacaq. İranlı liderlərin
Əsədə verdikləri dəstək isə Suriya məsələsinin həllini daha da
çətinləşdirəcək.
Tarix
2015.11.20 / 22:46
|
Müəllif
Pərviz Həsənov
|