Belarus Prezidenti Aleksandr Lukaşenko Türkiyə Prezidenti Rəcəb Tayyib Ərdoğanı seçkilərdə qazandığı uğurlar münasibətilə təbrik edib.

Axar.az xəbər verir ki, bu barədə Belarus lideri sosial şəbəkə hesabında yazıb.

“Dünyada izlənilən çox çətin mübarizə nəticəsində əldə edilən inamlı qələbə türk xalqının etimadının ən yüksək göstəricisidir”, - Lukaşenko bildirib.

Eyni zamanda, Gürcüstan Baş naziri İrakli Qaribaşvili də Ərdoğanı qələbəsi münasibəti ilə təbriklərini çatdırıb:

“Mən Türkiyə Prezidenti və Gürcüstanın böyük dostu Rəcəb Tayyib Ərdoğanı seçkilərdə inamlı qələbə qazanması və yenidən ölkə rəhbəri seçilməsi münasibətilə təbrik edirəm. Türkiyə xalqı öz fikrini açıq şəkildə ifadə edib və biz də ona qoşuluruq. Türkiyə Cümhuriyyəti ilə Gürcüstan arasında dostluq əlaqələri və strateji tərəfdaşlıq möhkəmlənəcək, biz bunu gücləndirməyə hazırıq”.