Səudiyyə Ərəbistanı özünün Tehrandakı səfirliyinə olan hücumu gərginliyi artırmaq üçün bəhanə kimi istifadə edib.

Axar.az xəbər verir ki, bu barədə bəyanatı İranın Xarici İşlər Nazirliyi yayıb. Nazirlik İranın beynəlxalq konvensiyalar əsasında ölkələrin diplomatik təhlükəsizliyini təmin etməyə çalışdığını bildirib.

Qeyd edək ki, Səudiyyə Ərəbistanı yanvarın 2-də şiə din alimi Ayətullah Nimr Baqir ən-Nimri daxil olmaqla 47 nəfəri edam edib. Bundan sonra Tehrandakı Səudiyyə Ərəbistanı səfirliyi yandırılıb. Səudiyyə buna cavab olaraq İranla diplomatik əlaqələri kəsib və Tehran səfirinə ölkəni tərk etməsi üçün 24 saat vaxt verib.