Çində keçirilən G20 Maliyyə nazirləri toplantısında yekun bəyanat səsləndirilib. Bəyanatda Britaniyanın Avropa Birliyindən (AB) çıxmasının dünya iqtisadiyyatında şok effekti yaradacağı qeyd olunub.

Axar.az xəbər verir ki, bu barədə İngiltərənin Maliyyə naziri Corc Osborn məlumat verib. BBC-yə danışan nazir 23 iyunda keçiriləcək referendumun həlledici olduğunu deyib:

"Dünyanın ən böyük ölkələrinin maliyyə nazirləri İngiltərənin AB-dən ayrılmasının dünya iqtisadiyyatında şok effekti yaradacağı mövzusunda həmfikirdirlər. Bu dünya iqtisadiyyatı üçün şok olacaqsa, İngiltərə iqtisadiyyatına təsirini siz düşünün".