14:50

Gürcüstan parlamentinin Hüquq Komitəsi “Xarici təsirin şəffaflığı haqqında” qanun layihəsini ikinci oxunuşda müzakirə edib.

Axar.az xəbər verir ki, bu barədə Gürcüstan Hüquq Məsələləri Komitəsinin sədri Anri Oxanaşvili məlumat verib.

Gürcüstan parlamentinin Hüquq Komitəsi "Xarici agentlər haqqında" qanun layihəsini ikinci oxunuşda dəstəkləyib.

Bundan sonra müxalifət partiyalarının deputatları ilə iqtidar komandası arasında söz davası olub. Komitənin sədri Anri Oxanaşvili sonda 14 müxalifətçini iclas zalından çıxarıb.

Qeyd edək ki, bu qanun layihəsi həm ölkə daxilində ciddi etirazlara səbəb olub, həm də AB-nin sərt təzyiqinə gətirib çıxarıb. Buna görə Gürcüstanın AB üzvlüyünə namizəd statusunun alına və sanksiya tətbiq edilə biləcəyi haqda iddialar da səslənir. Buna baxmayaraq hakim Gürcüs Arzusu Partiyası qanunun qəbulunda israr edir.