İsrailin Baş naziri Benyamin Netanyahunun kabineti Qətər televiziyasının Qəzza zolağında yayımını qadağan edən parlamentin ötən ay təsdiq etdiyi yeni qanundan istifadə edərək, ölkədə “Əl-Cəzirə” televiziyasının bağlanmasına səs verib.

Axar.az xəbər verir ki, İsrail Nazirlər Kabineti bu gün qadağanı yekdilliklə təsdiqləyib. Daha sonra rabitə naziri Şlomo Karni qadağanın tətbiqi ilə bağlı əmr imzalayıb və bu, dərhal qüvvəyə minib.

Hər 45 gündən bir nəzərdən keçirilməli olan qərar səlahiyyətlilərə kanalın İsraildəki ofislərini bağlamaq, yayım üçün istifadə olunan avadanlıqları (telefon və kompüterlər istisna olmaqla) müsadirə etmək, televiziya yayımlarını dayandırmaq və internet saytlarına girişi məhdudlaşdırmaq səlahiyyəti verir.

Ötən ilin payızında Yaxın Şərqdə münaqişənin kəskinləşməsi başlayandan bəri kanal bu hadisələri çox aktiv şəkildə işıqlandırır, həmçinin İsraili Qəzzada cinayət törətməkdə ittiham edir.

İsrailin Qəzza zolağına endirdiyi zərbələr nəticəsində telekanalın bir neçə əməkdaşı və onların yaxınları həlak olub.