Tehran şəhərinin meri Əlirza Zəkaninin işdən çıxarılması ilə bağlı imza kampaniyası başladılıb.

Axar.az xəbər verir ki, bu barədə İranın “Sazendegi” qəzeti məlumat yayıb.

Bildirilib ki, qısa müddət ərzində kampaniyaya qoşulan tehranlıların sayı 75 mini keçib.

Zəkaninin vəzifələrini icra edə bilməməsi və qanun pozuntularına yol verməsinə görə işdən çıxarılması tələb edilir.

Qeyd edək ki, Əlirza Zəkani prezident seçkilərinin birinci turundan əvvəl televiziya debatında Məsud Pezeşkianı təhdid edərək onun qalib gəlməsinə mane olacağını demişdi. O, sonradan mühafizəkar Səid Cəlili və Məhəmməd Bagir Qalibafın xeyrinə namizədliyini geri götürdü.