Xəbər verdiyimiz kimi, Cənubi Koreyanın Muan hava limanında Boinq-737-800 təyyarəsi eniş edərkən qəzaya uğrayıb. Hadisə nəticəsində 179 nəfər ölüb, cəmi 2 nəfər isə sağ qalıb.

Axar.az xəbər verir ki, Cənubi Koreyanın Fövqəladə Xidməti 2 nəfərin təyyarənin quyruq hissəsində olduğu üçün xilas ola bildiklərini açıqlayıb.

Qeyd edilib ki, təyyarə tamamilə dağılıb və yanıb, yalnız quyruğundan onun təyyarə olduğunu bilmək olur.

Xatırladaq ki, 25 dekabrda Bakı-Qroznı reysini həyata keçirən AZAL təyyarəsi Qroznı hava məkanında Rusiya HHM qüvvələrinin hücumuna məruz qalıb və Aktauda qəzaya uğrayıb. Qəza zamanı 38 nəfər ölüb, 29 nəfər sağ qalıb. AZAL təyyarəsində də sağ qalanlar quyruq hissədə olanlardır.