Bolqarıstan Provaslav Kilsəsi Ümumprovaslav Məclisində iştirakdan imtina edib.

Axar.az xəbər verir ki, bu barədə informasiya Bolqarıstan Provaslav Kilsəsinin rəsmi saytında yerləşdirilib. Kilsə məclisdə iştirak etməməsinə ciddi səbəblərin olduğunu bildirib.

Qeyd edək ki, Ümumprovaslav Məclisi Yunanıstanın Krit adasında keçiriləcək. Məclis 16 iyunda start götürəcək və 26 iyuna qədər davam edəcək.

Krit adasından öncə bu görüşün İstanbulda keçirilməsi nəzərdə tutulsa da, sonradan Türkiyə-Rusiya münasibətlərinin pisləşməsi buna mane olub. Rəsmi olaraq sonuncu dəfə Ümumprovaslav Məclisi VIII əsrdə çağırılıb.