Britaniya ABŞ və Fransadan sursat təchizatından asılılığını azaltmaq, 155 mm-lik artilleriya mərmilərinin istehsalını artırmaq məqsədilə partlayıcı maddələrin istehsalını ciddi dərəcədə genişləndirməyi planlaşdırır.

Axar.az xəbər verir ki, bu barədə “Tayms” məlumat yayıb.

“İstehsal Britaniyanın müdafiə, aerokosmik və informasiya təhlükəsizliyi sahəsində lider olan “BAE Systems” şirkətinin yeni müəssisəsində qurulacaq. Uelsdəki zavod bu ilin yayında fəaliyyətə başlayacaq. Eyni zamanda, “BAE Systems” sursat üçün əsas komponent olan heksogenin istehsalını artıracaq. Bunun üçün iri fabriklərin tikintisini tələb etməyən innovativ texnologiyadan istifadə olunacaq”, - məlumatda qeyd olunub.