Güney Azərbaycanın Təbriz şəhərində Tarixi Heydərzadə Evində Qədim Təbriz şəhərinin maketi təqdim olunub.

Axar.az Güney Azərbaycan Milli Azadlıq Cəbhəsinə istinadən xəbər verir ki, bunu jurnalistlərə açıqlamasında Nəbi-ye Əkrəm Ali Təhsil Müəssisəsinin rəisi Məhəmmədrza Milani söyləyib.

“Ölçüsü 3x3 olan maket Qacar dövrünə aid sənədlərə əsasən hazırlanıb. Bu maket tarixi bazar, qala, şəhərin tarixi hasar və darvazaları, hökumət evləri, Ərk Qalası və hasarın ətrafındakı xəndəkləri özündə əks etdirir”, - o bildirib.

Nəbiye Əkrəm Ali Təhsil Müəssisəsinin şagirdləri tərəfindən hazırlanan maket Mədəni İrs, Əl İşləri və Turizm Təşkilatına hədiyyə olunub. Məlumata görə, “Qədim Təbriz” maketi Mədəni İrs Təşkilatının Qacar dövrünə aid muzeyində saxlanılacaq, maket bütün muzey ziyarətçilərinə təqdim olunacaq.

Qeyd edək ki, İslam Əməkdaşlıq Təşkilatına üzv ölkələrin turizm nazirlərinin Nigeriyanın paytaxtı Nyamidə keçirilən 9-cu konfransının ekspertlər iclasında Təbriz şəhəri 2018-ci il üçün islam ölkələrinin nümunəvi turizm şəhəri seçilib.